Ahaztuak 1936-1977 Elkarteak Zarauzko Udalari eskatu dio Jon Paredes
Txiki eta Angel Otaegiri plaza bat eskaintzeko Zarautzen eta bertan
horien omenezko monolitoa jartzeko. Izan
ere, Txiki zarauztarra eta Otaegi nuarbetarra, ETAko kideak biak, eta
Jose Luis Sanchez Bravo, Ramon Garcia Sanz eta Humberto Baena FRAPeko
kideak 1975ean Frankismoaren azken fusilatuak izan ziren.
TXIKI ETA OTAEGI
Ahaztuak Elkarteak jakinarazi du pasa den astean Zarauzko Udalean
aurkeztu zutela Paredesi eta Otaegiren omenez plaza bat izendatzeko
eskaera formala. Horretaz gain, Otaegiren jaioterrian, Azpeitiako
Udalean eskaera bera egingo dute.
Ahaztuak 1936-1977 Elkarteak espero du Zarauzko Udalak gaia datorren
astetan aztertzea. Erantzuna baiezkoa izango balitz, datorren irailaren
27an, Gudari Egunean plaza eta monolitoa inauguratzeko lehenbailehen
lanean hastea eskatuko diote Zarauzko Udalari. Izan ere, egun horretan
Txiki eta Otaegi fusilatu zituztela 38 urte beteko dira.
(Zarauzko Hitza on 2013/05/08)
